Mercoledì, 13 Dicembre 2017
Unitelsardegna Logo
Piattaforma didattica >>
 

MACUMERE: GARA ISPORTIVA DE TIRU CUN S’ARCU ORGANIZADA DAE SOS “ARCIERIS DE SU MàRGHINE”

Pubblicazione: 
Mercoledì, 12 Giugno, 2013 - 12:46

 

Sos Arcieris de su Màrghine non imbolant su tempu e duncas a pustis de su sutzessu mannu de sa 1a editzione de sa GARA INTERREGIONALE de TIRU CUN S’ARCU- ispetzialidade de “outdor”  ocannu puru ant a èssere impinniados in sa cumpetitzione ispòrtiva chi at èssere balida comente sa 2a editzione de su “Tròfeu de su Màrghine”

 

Sa manifestatzione ispòrtiva s’at a tènnere in sa die de domìniga 16 de su mese de lampadas 2013 in s’Istàdiu Comunale “Scalarba” de Macumere e at a incumentzare dae sas oras 10.15; a pustis de sa cumpetitzione b’at a èssere sa premiatzione e unu cumbidu pro sos partetzipantes.

 

Sa manifestatzione isportiva est istada organizada dae s’Assòtziu de sos Arcieris de su Màrghine, unu assòtziu isportivu chi tenet sa sede sua in sa bidda de Bìroro, ma chi colit tiradores de biddas medas de su Màrghine e de sas àteras biddas lacanantes chi s’agatant in àteras curadòrias istòricas.

Sa manifestatzione est istada organizada cun s’agiudu mannu de sas Amministratziones Locales e de carchi atividade cummertziale chi at agatadu logu in sa locandina ufitziale de sa gara.

Pro informatziones si che podet telefonare a sos nùmeros 347/5874220, 393/0898255, 392/5149339,  o si che podet iscrìere a s’indiritzu de sa posta eletrònica arcieridelmarghine@gmail.com e bisitare su situ www.arcieridelmarghine.it

 

Fonte